E ardhmja e Mohamed Salah te Liverpooli mbetet e paqartë, ndërsa Liga Saudite po përgatit një ofertë gjigante për ta bërë yllin egjiptian fytyrën e re të kampionatit.
Sipas raportimeve, Salah mund të trefishojë pagën aktuale prej rreth 400 mijë paundësh në javë, nëse pranon të mbyllë aventurën e tij 9-vjeçare në “Anfield”.
Sauditet e shohin atë si pasuesin ideal të Cristiano Ronaldos, i cili mund të largohet nga Al-Nassr pas tensioneve të fundit me drejtuesit e ligës.
Interesi për Salah nuk është i ri, pasi edhe verën e kaluar ai ishte objektiv kryesor, ndërsa raportet e fundit për një ftohje me trajnerin Arne Slot kanë rritur spekulimet për një largim të mundshëm në fund të sezonit.
Liverpooli, nga ana tjetër, mund të tundohet nga një ofertë e madhe financiare, si për kursimin e pagës ashtu edhe për një tarifë të konsiderueshme transferimi, për sulmuesin që ka shënuar 251 gola dhe ka fituar gjithçka me klubin. /GazetaExpress
