Kryeministri i Kosovës, Albin Kurti, i ka uruar suksese ekipit të CS:GO, Bad News Eagles, pasi siguruan kualifikimin për në "Majorin" e Parisit.
Ekipi kosovar sot mposhti ekipin e dytë më të mirë në botë, FaZe Clan, për të siguruar pjesëmarrjen në turneun që do të mbahet muajin e ardhshëm në kryeqytetin francez.
”Bad News Eagles përsëri pjesë e Majorit. Sonte ata mposhtën ekipin e dytë më të mirë në botë. Tashmë të gjitha shtetet me ekipet e tyre i njohin djemtë tanë. Jam i lumtur për potencialin e rinisë sonë. Shumë suksese e përpara për fitore të reja”, shkroi Kurti në llogarinë e tij në "Instagram".
Këtë postim ai e shoqëroi me një fotografi të një plisi me logon e ekipit të Bad News Eagles, si dhe me mbi shkrimin "Me plis për në Paris". /Gazeta Express/
