Numri i miliarderëve në botë është vazhdimisht në rritje dhe pasuria e tyre po rritet me shpejtësi. Kjo rezulton sipas një raporti të publikuar nga organizata e ndihmës dhe zhvillimit Oxfam në prag të Forumit Ekonomik Botëror që fillon sot, në Davos, Zvicër.

Sipas raportit, afërsisht 3,000 miliarderë në të gjithë botën zotëronin një pasuri të kombinuar prej 18.3 trilionë dollarësh amerikanë vitin e kaluar, transmeton albinfo.ch.

Që nga viti 2020, pasuria e tyre është rritur me më shumë se 80 për qind në terma realë. Në të njëjtën kohë, pothuajse gjysma e njerëzimit jeton në varfëri, thekson Oxfam, shkruan srf.ch.

Dymbëdhjetë njerëzit më të pasur tani kanë më shumë para se gjysma më e varfër e popullsisë së botës, që është më shumë se katër miliardë njerëz, shpjegon Oxfam.