Reload Superkupa e Kosovës në basketboll vazhdon sonte me ndeshjet tjera çerekfinale, shkruan Gazeta Express.
Pa dyshim, ndeshja kryesore e kësaj fazë është ajo në mes të Pejës dhe Bashkimit.
Dy skuadrat do të përballen në mes vete sonte, duke filluar nga ora 19:30.
Ndërsa, ndeshja tjetër çerekfinale e Superkupës do të jetë ajo në mes Golden Eagle Yllit me Ponte Prizrenin, e cila nis në orën 17:00.
Mbrëmë u zhvilluan dy duelet e para çerekfinale.
Sigal Prishtina e mposhti Vëllaznimin me rezultat 88:66 duke depërtuar në gjysmëfinale.
Kurse, Rahoveci ishte më i mirë se Trepça, të cilën e mposhti me rezultat 78:63. /Gazeta Express/
