Java e 12-të e Superligës së Kosovës në basketboll do të mbyllet sot, pasi të jenë zhvilluar dy ndeshjet që janë në program.

Fillimisht, nga ora 17:00 do të takohen Istogu dhe Peja. Ndeshja do të zhvillohet në palestrën "Karagaçi", me Istogun në cilësinë e vendasit, shkruan Gazeta Express.

Istogasit kanë një fitore e dhjetë humbje, ndërsa kampionët e Kosovës tani renditen në vendin e dytë me tetë fitore e tri humbje.

Ndeshja e fundit e kësaj xhiro do të zhvillohet në "Minatori", me liderët e tabelës, Trepçën, që pret Proton Cable Prizrenin.

Mitrovicasit kanë bilanc prej nëntë fitoreve e dy humbjeve, kurse prizrenasit kanë katër fitore e shtatë humbje. /Gazeta Express/