Në një ndeshje mjaft të fortë dhe dramatike të çerekfinales së Kupës së Kosovës, Go+ Peja u mund në shtëpi nga Bashkimi me rezultatin e ngushtë 70-73.

Ndeshja u ndërpre në minutën e fundit kur tifozët pejan, të pakënaqur me rezultatin, filluan të hedhin mjete piroteknike në fushë dhe të shqetësonin lojtarët. Takimi rifilloi pasi tifozët u larguan nga salla, duke mundësuar mbylljen e ndeshjes në mënyrë të sigurt.

Megjithë përpjekjet e mëdha dhe rivalitetin deri në sekondat e fundit, Peja përfundon rrugëtimin e saj në këtë edicion të Kupës, ndërsa Bashkimi siguron vendin në gjysmëfinale.

Takimi ofroi emocione të mëdha për tifozët dhe tregoi nivel të lartë konkurrence mes dy ekipeve kryesore të basketbollit kosovar. /GazetaExpress