Peja shënoi fitore bindëse ndaj Proton Cable Prizrenit si mysafire me rezultat 79:98 (20:20, 18:35, 15:25, 26:18), në kuadër të javës së 23-të të Superligës.

Çereku i parë i kësaj ndeshje ishte i baraspeshuar, duke përfunduar 20:20, por verdhezinjtë shkëlqyen në periudhën e dytë, 18:35, derisa më të mirë se vendasit edhe në periodën e tretë, 15:25, kurse në dhjetë minutat e fundit nuk kishte ndryshim të madh, ku Peja fitoi në fund 79:98.

Katër basketbollistë te vendasit kishin pikë dyshifrore, derisa Lenzelle Smith e mbylli ndeshjen me 17 pikë e nëntë kërcime, kurse te mysafirët, Dardan Berisha e mbylli ndeshjen me 19 pikë e gjashtë kërcime.

Proton Cable Prizreni mbetet në pozitën e fundit me pesë fitore e 18 humbje, kurse Peja ka 12 fitore e 11 humbje.