Avokati Asdren Bytyqi ka bërë të ditur se sot ka dorëzuar në Prokurorinë Speciale të Republikës së Kosovës kallëzim penal ndaj Belisar Jezerci, për dyshimin e kryerjes së veprës penale “Nxitja e përçarjes dhe mosdurimit” mbi baza fetare.
Bytyqi ka deklaruar në emisionin “Kosova Live” në T7 se kallëzimi penal lidhet me deklarimet dhe veprimet publike të këtij personi si dhe me veprimtarinë e ashtuquajturës lëvizje ideologjike “Lëvizja për Rikthim”.
Avokati Bytyqi thekson se veprimet dhe deklarimet publike të kësaj lëvizjeje cenojnë bashkëjetesën fetare ndërmjet shqiptarëve dhe përmbajnë gjuhë nxitëse, veçanërisht ndaj shqiptarëve muslimanë, të cilët ai i cilëson si bosht dominues të kombit shqiptar.
“Tradhtarët e kombit janë më të rrezikshëm se armiku ballëhapur”, ka deklaruar Bytyqi, duke shtuar se rasti tashmë është në duart e institucioneve kompetente dhe se pret që Prokuroria Speciale të veprojë në përputhje me ligjin.
Ai ka kërkuar që ndaj këtij grupi të ngrihet aktakuzë dhe që Belisar Jezerci të arrestohet, ndërsa arsyet dhe provat e kallëzimit penal, sipas Bytyqit, janë shpjeguar më gjerësisht përmes video intervistës të cilën e gjeni më poshtë:
