Real Betis u përball me skuadrën italiane Como nga Serie A në një ndeshje miqësore parasezonale të mërkurën, por ndeshja në Cadiz ishte gjithçka tjetër veçse miqësore.

Një numër lojtarësh nga të dyja ekipet u përfshinë në një përleshje masive, gjatë së cilës u shkëmbyen grushta.

Pas fishkëllimës së pjesës së parë, në një moment kur Como po kryesonte 2-0 falë golave nga ish-lojtari i Betisit, Assane Diao dhe Lucas de Cunha, shpërtheu një përleshje pasi Pablo Fornals dhe Massimo Perrone shkëmbyen goditje.

Pati edhe një moment komik menjëherë pas kësaj, kur sulmuesi i Los Verdiblancos, Cucho Hernandez, u fut me vrull në përleshje, por në vend se të godiste një lojtar të Comos, përfundoi duke goditur shokun e skuadrës, Natan.