Vedat Muriqi po e kalon sezonin e tij personal më të mirin në karrierë, ndonëse skuadra e tij po përjeton krizë në rezultate.
Këtë edicion, sulmuesi kosovar ka shënuar 18 gola dhe gjendet i dyti në listën e realizatorëve, pas Kylian Mbappes, shkruan Gazeta Express.
"Pirati" është vetëm dy gola larg rekordit të Samuel Eto'o si golashënuesi më i mirë në histori të Mallorcas. Muriqi ka 52, kurse Eto'o 54.
Ndërkohë, Muriqi është në ndjekje të një tjetër rekordi, si futbollisti me më së shumti gola të shënuar për Mallorcan brenda një sezoni.
Rekordin e mban Guiza me 27 gola në sezonin 2007/08.
