Ish-banori i “Big Brother VIP 3” dhe moderatori i njohur, Meriton Mjekiqi, shkaktoi të qeshura në studio gjatë një momenti flirtues me gazetaren Sherina Spahiu në emisionin “Goca dhe Gra”.
Ish-banori i edicionit të tretë të “Big Brother VIP Albania”, Meriton Mjekiqi, ishte mbrëmë i ftuar në emisionin popullor “Goca dhe Gra” në Top Channel, ku foli për projektet e tij të reja dhe jetën pas spektaklit.
Moderatori karizmatik, i njohur për stilin e tij humoristik dhe energjinë spontane, ndau detaje nga sezoni i ri i programit të tij “A je bre normal”, që pritet të rikthehet së shpejti me episode të reja dhe më shumë të ftuar nga showbizi shqiptar.
Por momenti që bëri më shumë bujë në studio – dhe që po qarkullon tashmë në rrjetet sociale – ishte kur Meritoni vendosi të ngacmonte me humor gazetaren dhe moderatoren Sherina Spahiu.
Gjatë një pjese të intervistës, ndërsa Sherina po përgatitej të bënte pyetjen e saj, Meritoni ndërhyri me një batutë spontane:
“Po ti moj yll… po kjo karamelja kush është?”
Momenti shkaktoi të qeshura në studio, ndërsa Rudina Dembacaj dhe Ori Nebijaj iu përgjigjën me humor:
“Sherina Spahiu!”
Në atë moment, Rozana Radi, me ton ironik, ndërhyri duke thënë me të qeshur:
“Kjo është nusja e një shokut tonë.”
Reagimi i Meritonit u shoqërua me të qeshura nga të pranishmit, duke e kthyer situatën në një nga momentet më argëtuese të mbrëmjes.
Meritoni: “Jam mirë, po punoj shumë dhe jam në një fazë të qetë”
Përveç humorit, Meriton Mjekiqi foli edhe për jetën e tij profesionale dhe personale pas përfundimit të “BBVIP 3”. Ai u shpreh se po punon fort për sezonin e ri të emisionit të tij, si dhe për disa projekte të tjera televizive që pritet të zbulohen së shpejti.
“Kam kaluar një periudhë të ngarkuar, por shumë pozitive. Jam fokusuar te puna, sepse më pëlqen ajo që bëj. Do të ketë shumë surpriza këtë sezon.”
Meritoni, i cili është bërë një nga figurat më të dashura për publikun shqiptar pas pjesëmarrjes në “Big Brother VIP”, vijon të ruajë stilin e tij të natyrshëm dhe batutat spontane që shpesh e vendosin në qendër të vëmendjes.
Një moment viral që po bën xhiron e rrjeteve
Batutat e Meritonit në “Goca dhe Gra” janë bërë virale në TikTok dhe Instagram, ku ndjekësit kanë komentuar me humor ndërveprimin e tij me Sherina Spahiun. Disa fansa e kanë cilësuar si “flirt i pafajshëm në live”, ndërsa të tjerë si “shenjë e karizmës dhe natyrshmërisë që e karakterizon Mjekiqin”. /GazetaExpress/
