Hugo Ekitike ka mbetur jashtë skuadrës së Francës për ndeshjet kualifikuese të Kupës së Botës javën e ardhshme, por Didier Deschamps i ka dhënë një ftesë të parë sulmuesit të Monacos, Maghnes Akliouche.

Ekitike ka pasur një fillim të shkëlqyer me Liverpool-in që nga transferimi i tij nga Eintracht Frankfurt, duke shënuar tre gola në po aq ndeshje këtë sezon.

23-vjeçari, i cili ka shënuar pesë gola në pesë paraqitje me ekipin U21, pritej të debutonte me kombëtaren A kur Franca të niste fushatën kualifikuese javën e ardhshme.

Megjithatë, Deschamps e ka lënë jashtë Ekitike këtë herë, por ka thirrur Akliouche pas paraqitjeve mbresëlënëse me ish-klubin e tij, Monacon.

Kylian Mbappe do të udhëheqë “Les Bleus” kur të udhëtojnë drejt Polonisë për t’u përballur me Ukrainën më 5 shtator, përpara se të presin Islandën në Paris katër ditë më vonë.

Ousmane Dembele, Michael Olise dhe Aurelien Tchouameni janë ndër emrat e tjerë të rëndësishëm të përfshirë nga Deschamps, por lojtarë si Benjamin Pavard dhe Randal Kolo Muani nuk janë në këtë listë./GazetaExpress/