Interesimi i “Los Blancos” për futbollistin francez është zbehur kohëve të fundit. Mesfushori kualitativ mund të mbetet në Angli

Interesimi i Real Madridit për Paul Pogban sa vjen e zbehet më shumë, shkruan Gazeta Express.

Mesfushori francez ishte prioriteti kryesor i “Los Blancos” kohë më parë.

Mirëpo, mediumi britanik “Daily Mail” shkruan se tash Mbretërit janë fokusuar në destinacione të tjera.

Në fakt, Reali duket se po përgatitet t’ju besojë lojtarëve të rinj Fede Valverde dhe Martin Odegaard.

Nga ana tjetër, Pogba mund të vazhdojë të luajë në Manchester United, edhe pse atë e do edhe ish-klubi i tij, Juventus. /Gazeta Express/