Policia gjermane e ka qëlluar për vdekje një burrë që kishte tentuar t’i therte me thikë disa policë në qytetin Gelsenkirchen, i cili shtrihet në perëndim të vendit, afër Dortmundit.
Personi i dyshuar fillimisht e sulmoi një veturë të policisë me një objekt dhe më pas u përpoq t’i sulmonte me thikë disa policë që ishin duke qëndruar afër veturës.
Ai e mbante një thikë pas shpinës dhe refuzonte të bashkëpunonte me policët.
Sulmuesi ishte me prejardhje turke. Ai u paralajmërua nga policia që ta ndërpriste sulmin para se të qëllohej, por kishte refuzuar.
Pas vrasjes së gjeneralit iranian nga Shtetet e Bashkuara, Gjermania e ka ngritur nivelin e alarmit për sulme të mundshme terroriste.
Ky incident ndodhi vetëm disa orë pasi policia në Francë e plagosi një person që ishte përpjekur t’i sulmonte policët me thikë.
Zyra e prokurorit lokal tha se burri ishte në listën e personave nën përcjellje për lidhje me grupet militante, shkruan “BBC”, transmeton Gazeta Express.
