Popullsia e Italisë është stabilizuar pas 12 vitesh rënie, me migracionin që pothuajse ka kompensuar numrin e ulur të lindjeve, ndërsa jetëgjatësia vazhdon të rritet, njoftoi agjencia kombëtare e statistikave ISTAT.
Sipas të dhënave paraprake, popullsia banore ishte 58.94 milionë më 1 janar të këtij viti, pothuajse e pandryshuar nga një vit më parë. ISTAT thekson se pa migracion të qëndrueshëm, popullsia do të rifillojë të zvogëlohet, duke shtuar presionet mbi tregun e punës dhe financat publike, raporton Reuters.
Kjo stabilizim ka ndodhur nën qeverinë e Kryeministres Giorgia Meloni, e cila ka ruajtur një qëndrim të ashpër ndaj migrantëve pa dokumente, por ka rritur vizat e punës për shtetasit jo BE.
