Pas marrëveshjes së paqes mes Izraelit dhe Hamasit për Gazën, e nënshkruar të hënën në Sharme l-Sheikh, presidenti i FIFA-s, Gianni Infantino e ka premtuar mbështetjen maksimale të organit më të lartë të futbollit botëror për rregullimin dhe rikonstruktimin e infrastrukturës futbollistike të Gazës, su pjesë e përpjekjeve të rindërtimit pas luftës.

“Është mjaft e rëndësishme për FIFA-n që të jemi këtu për mbështetje, për ndihmë e për të asistuar në mënyrë që ky proces i paqes të realizohet”, deklaroi Infantino pas nënshkrimit të një dokumenti që i definon planet për stabilitetin rajonal dhe të rindërtimit, siç njofton agjencia e lajmeve “Reuters”, përcjell “Gazeta Express”.

Objektiv është rikonstruktimi i strukturave të shkatërruara dhe krijimin e një fondi të destinuar që të financojë në ndërtimin e fushave të reja dhe për programe për të rinjtë.

“Roli i futbollit duhet të jetë ai i mbështetjes, bashkimit dhe dhënies shpresë. Do të ndihmojmë në ndërtimin e krejt objekteve futbollistike të Gazës dhe ta ngrisim futbollin së bashku me Federatën Palestineze të Futbollit, si dhe ta krijojmë mundësinë për fëmijët përmes futbollit”, nënvizoi tutje Infantino.

Presidenti i FIFA-s ndër të tjera ka njoftuar se organizata do të kontribuojë me një mini-kamp dhe “FIFA Arenas” i fton partnerët tjerë t’i bashkohen iniciativës, duke nënvizuar se “futbolli sjell shpresë për fëmijët dhe ai është diçka ekstremisht e rëndësishëm”. /Gazeta Express