Diamond Stone është përforcimi më i ri i Sigal Prishtinës.
Klubi kryeqytetas zyrtarizoi këtë të shtunë marrëveshjen me ish-basketbollistin e LA Clippers, shkruan Gazeta Express.
Stone luan në pozitën e qendrës dhe është i gjatë 208 centimetra.
Ai së fundmi ka qenë pjesë e skuadrës Zavkhan në Mongoli, ku është paraqitur me mesatare prej 27.4 pikëve dhe 10.1 kërcimeve për ndeshje.
Njoftimi i plotë nga klubi i Prishtinës:
"EHHH TASH ÇELNI SYTË
DIAMOND STONE i bashkohet SIGAL PRISHTINËS
Qendra amerikane ka karrierë të suksesshme me ç'rast ishte i draftuar në NBA me LA Clippers (sezoni i parë) dhe më pas ka luajtur në NBA G-League për 3 vite me skuadra të ndryshme.
Së fundmi ka qenë pjesë e skuadrës Zavkhan në Mongoli ku është paraqitur me mesatare monstruoze me double-double prej 27.4 pikë dhe 10.1 kërcime për ndeshje.
Let the shine!
Mirësevjen Diamant Guri!". /Gazeta Express/
