Klubi i basketbollit Sigal Prishtina e ka bërë goditjen e radhës sot. Bardhekaltrit janë përforcuar me lojtarin e pozitës qendër, Aliouen Tew.
29 vjeçari është i gjatë 206 centimetra. Ai ishte pjesë e Kolegjit Niagara në SHBA.
Karrierën profesionale e vazhdoi më pas në shumë liga të botës si në Zvicër, Katar, Francë, Angli dhe së fundmi në Spanjë tek ekipi Melilla, që garon në Leb Gold.
Kryeqytetasit synojnë të jenë protagonistë në basketbollin kosovar sezonin e ardhshëm pasi patën rënie në vitet e fundit. /Gazeta Express/
