Klubi i hendbollit Prishtina ka nisur të mendojë për sezonin e ardhshëm, shkruan Gazeta Express.
Bardhekaltrit në fakt kanë filluar t’i vazhdojnë kontratat me lojtarët e tyre aktualë.
Së fundmi, kryeqytetasit i vazhduan kontratat me dy gardianët e portës, Armir Agushi dhe Flakrim Beqiraj.
Me paraqitjet e tyre në sezonin 2019/2020, dy portierët treguan se janë pjesë shumë e rëndësishme e këtij ekipi.
Ndërkohë, prishtinasit kanë njoftuar për vazhdimin e kontratës edhe për dy vjet me fundorin e Përfaqësueses U-21 të Kosovës, Besian Abazi.
Ky i fundit ka nënshkruar kontratë dyvjeçare.
Prishtina synon të jetë e suksesshme në garat evropiane, por edhe në Superligën e hendbollit për edicionin e ardhshëm.
Kryeqytetasit nuk arritën të fitonin trofe këtë edicion në hendbollin kosovar. /Gazeta Express/
