23,000 tifozë do të mbushin tribunat për seancën e stërvitjes së ekipit të parë, e cila shënon zyrtarisht rihapjen e stadiumit ikonë të Barcelonës, shkruan Gazeta Express.

Camp Nou i vjetër mbylli dyert pas fitores 3–0 ndaj Mallorcas për të nisur transformimin e tij të shumëpritur në Spotify Camp Nou të ri — një stadium modern dhe funksional, i dizajnuar për të qenë më i miri i epokës së tij, ashtu siç ishte Camp Nou origjinal për dekada, veçanërisht pas ndërtimit të tij në vitin 1982.

Pas 894 ditësh, shtëpia e tifozëve të Barcelonës do të hapë përsëri dyert për publikun — këtë herë për një seancë stërvitore të hapur.

Edhe pse do të jetë vetëm pjesërisht e shfrytëzueshme, ky moment do të jetë shumë emocionues për të gjithë, si për tifozët ashtu edhe për lojtarët, të cilët kanë munguar në stadiumin ikonë të klubit.

Seanca do të fillojë në orën 11:00 sipas kohës lokale dhe do të zgjasë nga 45 deri në 60 minuta, raporton "Mundodeportivo" - përcjell Gazeta Express.

/GazetaExpress/