Prokurori i Përgjithshëm i Venezuelës, Tarek Saab, si dhe Avokati i Popullit, Alfredo Ruiz Angulo, kanë paraqitur dorëheqjen e tyre në Asamblenë Kombëtare të vendit, njoftoi sot sekretari i këtij institucioni.

Sipas kryetarit të Asamblesë Kombëtare, Jorge Rodríguez, deputetët do të zgjedhin zëvendësues të përkohshëm deri në emërimin e Prokurorit të ri të Përgjithshëm dhe Avokatit të ri të Popullit.

Zhvillimi vjen pasi presidentja e përkohshme e Venezuelës, Delcy Rodríguez, në fund të janarit premtoi reforma në sistemin gjyqësor të vendit.

Autoritetet nuk kanë dhënë ende detaje mbi arsyet e dorëheqjeve, ndërsa pritet që parlamenti të nisë procedurat për emërimet e përkohshme në ditët në vijim. /Panorama