Aurelio De Laurentiis bëri një sulm të ashpër ndaj gjendjes së stadiumit të Napolit, duke e përshkruar “Stadio Diego Armando Maradona” si “një vend të mjerë” gjatë fjalimit të tij në “Football Business Forum”, i organizuar nga “SDA Bocconi në Milano”.
Presidenti i Napolit nuk kursyeu fjalët kur diskutoi nevojën urgjente për reforma infrastrukturore në futbollin italian, duke krahasuar stadiumin e vjetër të klubit të tij me arenat moderne evropiane.
“Maradona është një vend i mjerë,” tha De Laurentiis, sipas citimeve nga “CalcioMercato”.
“E thashë të njëjtën gjë kur mbërriti Ancelotti. PSG paguan të njëjtin qira për stadiumin e tyre si ne, por ata kanë ekskluzivitet të plotë dhe fitojnë 100 milion € në vit, ndërsa ne kemi akses vetëm për tre ditë: para, gjatë dhe pas ndeshjes. Është një stadium i vjetër, me pistë atletike dhe madje një gropë rreth saj që i largon tifozët.”
De Laurentiis fajësoi burokracinë italiane për pengimin e progresit:
“Autoritetet këtu janë armiqtë më të mëdhenj të futbollit. Ata nuk kuptojnë se ka 25 milionë votues potencialë që i interesohen këtij sporti.”
Ai e mori si shembull “Emirates Stadium”, duke vënë në dukje se Arsenalit iu lejua të ndërtonin banesa pranë për të kompensuar kostot e ndërtimit.
“Na duhet më shumë fleksibilitet,” vazhdoi ai.
“Lejoni që klubet të ndërtojnë ose konvertojnë stadiume me projekte banimi të integruara. Të ardhurat nga këto projekte mund të mbështesin investime afatgjata.”
Pronari i Napolit gjithashtu kritikoi zyrtarët lokalë për “shpenzimin e parave” në rinovimet e kaluara dhe tha se ai personalisht do të financonte një arenë moderne me 70,000 vende, me “100 skybox dhe vende parkimi reale.”
“Tifozët duan të vijnë me makinë në stadium. Na duhen 30 hektarë për një vend modern të vërtetë,” shtoi ai, duke kritikuar Kryetarin Manfredi dhe Këshilltarin Cosenza për “mosdijen për futbollin.”
Së fundi, De Laurentiis sulmoi atë që e quajti “mungesë lidershipi” në futbollin italian dhe paralajmëroi UEFA-n dhe FIFA-n të ndalojnë zbehjen e kampionateve vendase.
“Nëse na mbeten vetëm Inter, Milan, Juve, Napoli dhe Roma, pse të ndërtojmë stadiume të rinj? Thjesht do të përfundojmë duke luajtur një Superligë Evropiane me emër tjetër.”/GazetaExpress/
