Protestat e udhëhequra nga studentët po vazhdojnë në universitete në Iran, sipas pamjeve të publikuara nga mediat e huaja, pas disa ditësh demonstratash që janë mbajtur në të paktën 13 institucione arsimore në mbarë vendin që nga fundjava.

Pamjet tregojnë studentë që brohorasin kundër forcave të sigurisë iraniane dhe shprehin mbështetje për ish-monarkun Mohammad Reza Pahlavi, ndërsa kundërprotestues të tjerë valëvisin flamuj iranianë në mbështetje të qeverisë.

Ndërkohë, në rajonin e Lindjes së Mesme është vërejtur një shtim i pranisë së avionëve dhe anijeve luftarake të Shtetet e Bashkuara të Amerikës, teksa administrata e presidentit Donald Trump vazhdon të ushtrojë presion ndaj Iranit dhe të paralajmërojë për mundësinë e sulmeve.

Në fjalimin e tij për Gjendjen e Kombit, Trump deklaroi se “preferenca e tij është ta zgjidhë këtë problem përmes diplomacisë”, por theksoi se “nuk do ta lejojë kurrë” Iranin të zotërojë armë bërthamore.