Një shpjegim për mungesën e yllit të Barcelonës, Frenkie de Jong, nga lista e fundit e skuadrës për ndeshjen ka dalë “online”.
Kjo vjen pas konfirmimit se holandezi po përballet me një ‘sëmundje’.
Barcelona është padyshim gati të kthehet në fushë shumë shpejt, në një përballje të La Ligës kundër Atlético Madrid, nën drejtimin e Diego Simeone.
Kjo përballje është vendimtare në garën për titull në elitën e futbollit spanjoll, me dy skuadrat që aktualisht ndahen vetëm nga tri pikë.
Kështu, ishte shqetësuese për tifozët e Barcelonës kur, pasi u publikua lista e lojtarëve për ndeshjen, mesfushori kryesor Frenkie de Jong nuk ishte i pranishëm.
“Frenkie de Jong nuk do të luajë në ndeshjen kundër Atlético de Madrid për shkak të një episodi me ethe”, raportohet nga mediat spanjolle.
Ndeshja Barça – Atletico luhet sonte, me fillim nga ora 21:00 në “Camp Nou”./GazetaExpress/
