Achraf Hakimi nuk do të kthehet menjëherë në fushë, pavarësisht se rikuperimi i tij po ecën mirë pas dëmtimit.
Paris Saint‑Germain ka vendosur të mos e nxitojë procesin dhe po e menaxhon rikthimin e mbrojtësit maroken me kujdes maksimal, si fizikisht, ashtu edhe nga ana mediatike.
Sipas raportimeve nga mediat italiane, Hakimi ka pësuar një dëmtim të rëndë të kyçit, i cili kërkon që stafi mjekësor dhe trajneri Luis Enrique ta ndjekin një program të personalizuar rikuperimi, për ta shmangur rrezikun e ri-lëndimeve, përcjell “Gazeta Express”.
PSG gjithashtu ka vendosur ta mbajë nën radar mediatik rikthimin e Hakimit, për të mos krijuar presion të panevojshëm mbi lojtarin.
Klubi dëshiron që çdo hap të jetë gradual dhe i sigurt, duke respektuar ritmin e tij individual.
Trajneri Luis Enrique ka folur me Hakimin edhe për aspektin psikologjik, duke e theksuar rëndësinë e stabilitetit emocional krahas përgatitjes fizike.
Ekipi po sigurohet që lojtari të rikthehet plotësisht gati për ta dhënë performancën maksimale, pa rrezikuar shëndetin afatgjatë.
Ky kujdes tregon se PSG nuk ka nxitim për ta kthyer Hakimin në fushë, duke e vendosur sigurinë e lojtarit mbi çdo interes tjetër, në një periudhë vendimtare të sezonit. /Gazeta Express
