Christian Pulisic shënoi golin e fitores për Milanin kundër Interit të dielën, por ishte plot lavde për shokun e tij të skuadrës, Mike Maignan: “I pabesueshëm.”
Ylli i SHBA-së, Pulisic, e përshkroi shokun e tij Maignan si “të pabesueshëm” pas fitores 1-0 të Milanit në “Derby della Madonnina” të dielën.
Pulisic shënoi golin vendimtar, por Maignan ishte “Lojtari i Ndeshjes” në “San Siro”, duke bërë gjashtë pritje, përfshirë një penallti të ndalur ndaj Hakan Calhanoglut.
Pulisic tha në një intervistë pas ndeshjes se Maignan kishte qenë lojtari më i mirë në fushë, por më pas ai u drejtua edhe në rrjetet sociale për të lavdëruar portierin francez.
Pulisic postoi në “Instagram Story” një foto festimi së bashku me Maignan dhe shkroi: “Ky djalë është i pabesueshëm.”
Milani është i pamposhtur që nga gushti, duke humbur vetëm ndeshjen hapëse të sezonit në Serie A kundër Cremoneses.
“Rossonerët” janë dy pikë larg kryesuesve të tabelës, Romës, dhe do të presin Lazion në “San Siro” këtë të shtunë./GazetaExpress/
