G-Bani pati një rrugëtim të shkurtër në “Big Brother VIP 4” pas rikthimit në shtëpinë më të famshme në Shqipëri. Ish-banori u largua pasi mori vesh për gjendjen shëndetësore të babait të tij.
Ai u nis menjëherë drejt Anglisë, aty ku ka familjen, në mënyrë që të qëndrojë pranë tyre. Përmes postimeve të ndryshme në rrjetet sociale, ish-banori ka treguar se babai i tij është mirë dhe në gjendje stabël.
Madje G-Bani ka postuar në “Instagram” foto dhe video me babain, që t’i tregojë publikut për gjendjen e tij.
Ndërkohë gjatë spektaklit të mbrëmjes së djeshme të “Big Brother VIP 4”, Loredana ka pyetur për babain e ish-banorit.
“Kam një pyetje, si është babi i G-Banit?”, pyet banorja, e cila ka patur një raport të qetë me të.
Ky veprim është pritur mirë nga këngëtari i njohur, i cili ka bërë një postim në “Instagram” për Loredanën. Ai ka postuar një foto të banores dhe bashkëngjitur me të shkruan:
“Kam një pyetje, si është babi i G-Banit?/ O zemër, o dritë, o vlonjate gangstere sa e mirë je!! Faleminderit që pyete”.
