Qeveria serbe ka reaguar nga sulmi ndaj një serbi, që ndodhi në fshatin Cërnicë të Gjilanit. Ndonëse kanë reaguar autoritetet kosovare, Zyra e ashtuquajtur për Kosovën e quan këtë sulm dëshmi për rrezikun e serbëve në Kosovë.

Zyra për Kosovën ka kërkuar që të zbardhen urgjentisht motivet e sulmit ndaj Stanisha Jovanoviqit, të dënohet sulmuesi dhe të garantohet siguria fizike për banorët e Cërnicës.

‘Sulmi ndaj Stanisha Jovanoviqit, i cili u lëndua rëndë me thikë, tregon se për serbët në Kosovë nuk ka qetësi, andaj janë të dënuar që të jetojnë në frikë”, shkruan në komunikatën e Zyrës për Kosovën në Qeverinë serbe.

Sulmin ndaj serbit e ka dënuar edhe kryetari i Gjilanit, Lutfi Haziri.