Pas Lëvizjes Vetëvendosje, i dërguari i SHBA-së për dialogun Kosovë – Serbi, Richard Grenell, do ta vizitojë edhe Lidhjen Demokratike të Kosovës, raporton Gazeta Express

Takimi do të mbahet në orën 11:30, derisa Grenell do të pritet në takim nga i pari i LDK-së, Isa Mustafa.

Pak më parë, ambasadori amerikan në Gjermani është takuar edhe me të parin e LV-së, Albin Kurti.

Ai para mediave tha se nuk do të përfshihet në bisedimet për formimin e qeverisë së re, teksa kërkoi heqjen e taksës. /GazetaExpress/