Skanimi i MRI që Rafael Leao iu nënshtrua sot përjashtoi çdo dëmtim muskulor, por ylli i Milanit mund të pushohet kundër Sassuolos në mënyrë që të jetë plotësisht gati për Superkupën e Italisë javën e ardhshme.

Milani mori lajme të mira për Rafael Leaon, pasi dëmtimi që pësoi kundër Torinos të hënën, me shumë gjasa nuk do ta mbajë jashtë fushës për një kohë të gjatë.

Milani tha në një deklaratë, përmes “Sky Sport” dhe “Milan News”, se testet e kryera më herët sot treguan një problem inflamator në aduktorin e djathtë dhe jo një dëmtim muskulor.

Leao u zëvendësua në pjesën e parë të fitores 3-2 të Milanit kundër Torinos mbrëmë.

“Sky Sport” raporton se, duke marrë parasysh inflamacionin, ekzistojnë dy skenarë të mundshëm: Leao mund të luajë dhe të rrezikojë përkeqësimin e gjendjes ose të pushojë dhe të fokusohet te trajtimi.

“Shumëçka varet nga ndjesitë e lojtarit dhe dhimbja që do të ndiejë në ditët në vijim,” tha eksperti i Milanit, Peppe Di Stefano, nga “Milanello”.

Në letër, Leao mund të pushohet të dielën e ardhshme kundër Sassuolos, ndonëse ende nuk është e sigurt që do të lihet jashtë.

Sigurisht, objektivi kryesor është që ai të jetë në formë për gjysmëfinalen e Superkupës së Italisë kundër Napolit më 18 dhjetor./GazetaExpress/