Sergio Ramos dhe fondi Five Eleven Capital po ecin përpara me planin për blerjen e Sevilla FC, por marrëveshja nuk pritet të mbyllet para qershorit.

Investitorët kanë siguruar rreth 450 milionë euro për blerjen e afërsisht 65% të aksioneve, si dhe për një rritje të nevojshme të kapitalit, ku rreth 80 milionë euro mund të vijnë nga investitorë të tjerë.

Edhe pse do të kryhet një rishikim i ri i gjendjes financiare dhe ligjore të klubit, palët kanë një pasqyrë të përgjithshme të financave të Sevillas, e cila ka një borxh të konsiderueshëm. Situata sportive mbetet faktor kyç, pasi skuadra e drejtuar nga Matías Almeyda po lufton për mbijetesë në La Liga.

Një rënie e mundshme në Segunda División do të ulte ndjeshëm vlerën e klubit, ndaj gjithçka pritet të qartësohet pas përfundimit të sezonit në fund të majit. /GazetaExpress