Argjentinasi luajti një rol të madh në golin e dytë të Chelseat.
Festimet e çmendura të Alejandro Garnacho pas golit spektakolar të Moises Caicedo për Chelsean në përballjen e Premier League ndaj Brentford kanë bërë bujë.
21-vjeçari argjentinas, i cili iu bashkua Chelseat këtë verë nga Manchester United për një shumë rreth £40 milionë, debutoi mbrëmë me “Bluet” në ndeshjen ndaj Brentford.
Pas zëvendësimit të Joao Pedros në minutën e 79-të, Garnacho pati një fillim pozitiv në krahun e majtë.
Në fakt, nuk iu desh shumë kohë për të kontribuar, pasi pas një topi të gjysmë të pastruar nga ai, Moises Caicedo lëshoi një predhë në trekëndëshin e djathtë të sipërm.
Pak çaste pasi Caicedo e çoi rezultatin në 2-1, Garnacho festoi me shumë pasion duke bërë gjeste drejt tifozëve të Chelseat në tribunën e mysafirëve.
Është e qartë se tifozët e Chelseat e adhuruan festën e tij të shtunën mbrëma, megjithatë disa tifozë rivalë nuk e pritën me të njëjtën sy.
Një tifoz shkroi: “E dua atë festim nga Garnacho, ky djalë mezi priste të largohej nga Manchester United,” ndërsa një tjetër komentoi: “Festa e Garnachos. E dua që tani.”
"WHAT A STRIKE!"
Moises Caicedo with a sensational hit! 🔥 pic.twitter.com/4s79gA7qoe
Një i tretë tha: “Garnacho është i pacipë duke festuar sikur bëri diçka të madhe.”
Një i katërt shkroi: “E pashë përsëri festimin e Garnacho – pse po feston sikur asistoi në një gol fitues të finales së Champions-it? Gati ra në gjunjë, vëlla, s’ke pse e bën gjithë këtë, duhet të të durojmë sidoqoftë.”
Një i pestë shtoi: “Garnacho duke fjetur në shtyllën e dytë te goli i barazimit të Brentford pak pasi festoi golin e dytë të Chelseat sikur fitoi ligën.”
Siç u përmend, Fabio Carvalho i Brentford realizoi golin e barazimit për “Bletët” pak çaste pasi Garnacho humbi lojtarin e tij në shtyllën e dytë, gjë që u bë një tjetër pikë diskutimi e madhe mes tifozëve.
Para ndeshjes së fundjavës, trajneri Enzo Maresca foli për fillimin e Garnacho te Chelsea.
“Ai po punon mirë,” tha italiani. “Sigurisht, i duhet të punojë sepse erdhi këtu jo 100% i gatshëm, por po punon mirë dhe shpresojmë që së shpejti të mund t’i japim minuta.”
Fabio Carvalho steals a point for Brentford deep into stoppage-time! 🤯 pic.twitter.com/OgqsOFWntb
Në intervistën e tij të parë si lojtar i Chelseat, reprezentuesi i Argjentinës foli për arsyet pse iu bashkua klubit dhe për ambiciet e tij për sezonin.
“Kam një mentalitet fitues. Kam pasion dhe personalitet të madh. Është një përshtatje natyrale me një klub si Chelsea, që sapo ka fituar Kupën e Botës për Klube,” tha ai.
“Chelsea është në majë tani dhe është e rëndësishme të luftojmë për klubin, ashtu siç meritojnë tifozët. E kam parë Kupën e Botës për Klube dhe t’i bashkohesha kampionëve të botës është diçka e veçantë – kjo do të thotë që ne jemi skuadra më e mirë në botë.” /GazetaExpress/
