Të shtunën u zhvillua mbrëmja e shumëpritur e boksit në stadiumin “Fadil Vokrri”, ku protagonist kryesor kishte bokserin nga Juniku, Haxhi Krasniqin.
Por, mbrëmja e shumëpritur u shndërrua në një komedi.
Gjatë dueleve të njëpasnjëshme, pati disa episode mjaft të çuditshme, ndërsa në tetë meçet e zhvilluara, të gjitha u fituan nga boksierët shqiptarë, shkruan Gazeta Express.
Pa kritika nuk kaloi as meçi i Haxhi Krasniqit ndaj Nadjib Mohameddit.
Krasniqi fitoi pasi gjyqtari e diskualifikoi algjerianin, që përfaqëson Francën.
Pas komenteve e kritikave të shumta ka reaguar edhe gruaja e Robinit, Marigona Krasniqi, e cila duket që është nervozuar tej mase.
Ajo në rrjetet sociale shkroi: "Për të gjithë ata që hani gojën pa ditur se kështu jeni, boksi është një sport i cili ka rregulla. Të paktën tolerancë sepse u durua më gjatë se që duhej sjellje prej një kafshe. Është vetëm sport. Hej njerëz, 50 fitore dhe i vetmi kampion. Turpi është i juaj". /Gazeta Express/
