Kryetari i Komunës së Kamenicës, Qëndron Kastrati, ka reaguar ndaj vrasjes së qytetarit të komunës së tij nga një pjesëtar i policisë.

Kastrati përmes një shkrimi në Facebook ka thënë se kjo vrasje ka tronditur të gjithë, dhe shpërfaq padrejtësinë që përjetohet nga individët e pambrojtur ndaj atyre që e zotërojnë pushtetin.

Ai ka ftuar gjitha organet e drejtësisë që ta trajtojnë këtë rast me seriozitetin më të lartë, ndërsa i ka shprehur ngushëllime familjarëve të të ndjerit.

Ky është shkrimi i tij i plotë:

Vrasja e qytetarit nga Muqiverci në orët e hershme të mëngjesit në Gjilan, prej një pjestari të Policisë së Kosovës na ka tronditur të gjithëve.

Ky rast shpërfaqë padrejtësinë, pabarazinë që përjetohet nga individë më të pambrojtur të shoqërisë përballë atyre që zotërojnë pushtetin, e në rastin më flagrant – siç ishte rasti i sotëm – përballë policit që duhet të reflektojë e ofrojë siguri. Ftoj organet e drejtësisë të trajtojnë rastin me seriozitetin më të lartë.

Familjes së të ndjerit i shpreh ngushëllimet më të sinqerta!