Dy skuadrat e pamposhtura të La Ligës përballen këtë fundjavë, teksa Real Madrid pret në “Santiago Bernabéu” surprizën Espanyol, në një duel që premton spektakël dhe intensitet të lartë.
Ekipi i Xabi Alonsos ka nisur sezonin në mënyrë të shkëlqyer (10 fitore, 1 barazim, 1 humbje në të gjitha kompeticionet), duke fituar edhe katër ndeshjet e para në kampionat.
Edhe pse dy kartonë të kuq radhazi rrezikuan ta tronditin skuadrën, madrilenët ia dolën të fitonin si ndaj Real Sociedad (2-1), ashtu edhe kundër Marseille në Champions League me të njëjtin rezultat.
Me 9 fitore në 10 ndeshjet e fundit në shtëpi, Real Madrid hyn me moral të lartë në këtë sfidë.
Nga ana tjetër, Espanyol ka qenë surpriza e këtij fillimi sezoni, duke mbetur e pamposhtur në katër ndeshjet e para të La Ligës – diçka që nuk e kishte arritur që nga sezoni 2013/14.
Trajneri Manolo González po synon të udhëheqë skuadrën drejt një ecurie prej gjashtë ndeshjesh pa humbje në elitë për herë të parë që nga viti 2019. Megjithatë, forma në transfertë mbetet shqetësim, pasi Espanyol nuk ka fituar në pesë ndeshjet e fundit jashtë fushe (2 barazime, 3 humbje).
Statistika dhe histori përballjesh
Espanyol fitoi ndeshjen e fundit direkte 1-0, por ishte fitorja e vetme në pesë takimet e fundit ndaj Real Madrid (4 humbje).
Espanyol nuk ka fituar në “Bernabéu” që prej prillit 1996.
Real Madrid nuk ka humbur në pesë ndeshjet hapëse të kampionatit që nga sezoni 2020/21.
Los Blancos kanë marrë pesë kartonë të kuq në dhjetë ndeshjet e fundit.
Espanyol ka shënuar me penallti në tre nga pesë ndeshjet e fundit të La Ligës.
Vetëm Barcelona (13) ka shënuar më shumë gola këtë sezon në kampionat se Espanyol (8).
Lojtarët kyç dhe mungesat
Kylian Mbappé realizoi golin e tij të 50-të me Real Madrid, duke arritur 10 kontribuime në gola (8 gola, 2 asistime) në 7 ndeshjet e fundit për klubin dhe kombëtaren.
Carlos Romero i Espanyolit është shfaqur si hero i papritur, me një gol dhe një asistim në dy ndeshjet e fundit, duke qenë vendimtar edhe në fitoren e fundit ndaj Real Madrid.
Real Madrid do të luajë pa Trent Alexander-Arnold, i cili u dëmtua në mesjavë, ndërsa Jude Bellingham është pranë rikthimit.
Te Espanyol mund të mungojë Javi Hernández, që humbi ndeshjen ndaj Mallorcas për shkak të një dëmtimi në këmbë. /GazetaExpress/
Formacionet zyrtare:
📋✅ ¡Nuestro XI inicial!
🆚 @RCDEspanyol
👉 @UnicajaBanco pic.twitter.com/i8V9fkPUzh
Real Madrid
📋 𝐉𝐚 𝐭𝐞𝐧𝐢𝐦 𝐚𝐥𝐢𝐧𝐞𝐚𝐜𝐢𝐨́!
▶️ Aquest és l’11 de Manolo González pel partit al Santiago Bernabéu!#RealMadridEspanyol pic.twitter.com/svkPTCe60X
Espanyol
Ndeshja fillon në ora 16:15 në stadiumin “Santiago Bernabeu” në Madrid të Spanjës
