Real Madridi po planifikon me kujdes lëvizjet për afatin e ardhshëm veror të transferimeve, me përforcimet në qendër të mbrojtjes që janë prioritet absolut.

Në axhendë mund të përfshihet edhe një mesfushor i ri, ndërsa afrimi i një sulmuesi nuk shihet si urgjencë – të paktën për momentin.

Megjithatë, situata mund të ndryshojë nëse njëri nga Rodrygo ose Vinícius Júnior vendos të largohet nga “Santiago Bernabéu”. Rodrygo ka hasur vështirësi për të gjetur vazhdimësi, ndërsa bisedimet për rinovimin e kontratës së Vinícius nuk po ecin siç pritej.

Në një skenar të tillë, Kenan Yildiz i Juventusit shfaqet si një alternativë serioze për klubin madrilen.

Sipas gazetës italiane La Stampa, Juventusi ka vendosur një çmim prej 100 milionë eurosh për talentin turk nëse nuk arrihet një marrëveshje për rinovimin e kontratës. Yildiz, i cili është vetëm 20 vjeç, ka kontratë deri në verën e vitit 2029, por është një nga lojtarët më pak të paguar në skuadër, çka ka shtyrë klubin bardhezi të nisë bisedimet për një përmirësim të kushteve financiare.

Në rast se palët nuk bien dakord dhe lojtari kërkon një sfidë të re, Juventusi do të kërkojë plot 100 milionë euro për kartonin e tij. Yildiz është një sulmues shumëdimensional, i aftë të luajë në disa role në vijën e parë, dhe ka lënë përshtypje të shkëlqyer, veçanërisht në Kupën e Botës për Klube, ku shënoi tre gola dhe dha dy asistime në vetëm katër ndeshje.

Edhe në sezonin aktual, talenti turk ka treguar potencialin e tij të madh me gjashtë gola dhe gjashtë asistime në 21 ndeshje në të gjitha garat. Ai ka shumë admirues brenda Real Madridit, përfshirë edhe trajnerin aktual, Xabi Alonso.

Nëse “Los Blancos” vendosin të bëjnë lëvizjen në verën e vitit 2026, do të duhet të përgatiten për një investim të madh financiar për të siguruar shërbimet e fanellës nr. 10 të Juventusit. /GazetaExpress