Marco Asensio i Real Madridit e ka fituar turneun bamirës La Liga në FIFA 20, duke ndihmuar në mbledhjen e të hollave për luftimin e koronavirusit.
Derisa pandemia Covid-19 i ka detyruar sportet në gjithë botën të pezullohen, La Liga i ka vazhduar aktivitetet edhe këtë fundjavë, megjithëse në mënyrë virtuale, transmeton Gazeta Express.
La Liga e ka ftuar nga një lojtar ta përfaqësojë ekipin e vet nga La Liga në video-lojën e futbollit në turneun prej 20 ekipesh në FIFA 20.
¡Enhorabuena, madridistas! ?
? El @realmadrid de @marcoasensio10 se proclama campeón de #LaLigaSantanderChallenge ?
Y lo más importante: ¡Más de 140.000€ recaudados! ? pic.twitter.com/pDsY9WTufi
Asensio – i cili ka munguar gjatë gjithë sezonit 2019/20 shkaku i lëndimit të rëndë në gju – e përfaqësoi Real Madridin.
Përfaqësuesi i Spanjës e fitoi turneun për Real Madridin duke e mundur 4:2 Aitor Ruibalin e Leganes në finalen e së dielës.
Gjatë turneut janë mbledhur 140 mijë euro, të cilat do të shkojnë në UNICEF për ndihmë në parandalimin e shpërndarjes së koronavirusit, i cili deri tani i ka vrarë mbi 14.500 persona. /Gazeta Express/
