Real Madridi po planifikon të adresojë opsionet e mbrojtësve qendrorë, me largime të rëndësishme që priten në vitin 2026.
David Alaba do të largohet, dhe e njëjta gjë mund të ndodhë edhe me Antonio Rudiger, i cili gjithashtu ka kontratë që skadon në fund të sezonit.
Nëse Rudiger dhe Alaba largohen, Real Madridi do të mbetet me tre mbrojtës qendrorë të skuadrës së parë nën drejtimin e Xabi Alonson: Eder Militao, Dean Huijsen dhe Raul Asencio.
Joan Martinez do të ishte gjithashtu një opsion, por një transferim do të ishte ende i nevojshëm.
Në javët e fundit janë përmendur emra si Dayot Upamecano dhe Marc Guehi, por mund të jetë një fytyrë e njohur ajo që kthehet te “Bernabeu”.
Sipas “ESPN”, Real Madridi ka më shumë gjasa të rijnjë kontratën me Jacobo Ramon nga klubi italian Como.
Ramon, i cili luajti gjashtë ndeshje për Real Madridin para largimit në verë, ka performuar shumë mirë në Itali, së bashku me një tjetër ish-lojtar të “Los Blancos”, Nico Paz.
Paraqitjet e tij nuk kanë kaluar pa u vënë re te Bernabeu, ku zyrtarët e klubit besojnë se ai mund të rikthehet “më shpejt se më vonë”.
Si pjesë e marrëveshjes me Como, Real Madridi ruajti një klauzolë rikthimi për Ramon, e cila vlerësohet në 8 milionë euro.
Kjo është një marrëveshje shumë e mirë duke pasur parasysh se ai ka përparuar që nga largimi nga kryeqyteti spanjoll, dhe ka shumë gjasa të rikthehet verën e 2026 ose 2027.
Rikthimi i Ramon do t’i siguronte Real Madridit shumë vite stabilitet në qendër të mbrojtjes, duke pasur parasysh se ai (20), Huijsen (20), Asencio (22) dhe Martinez (18) janë shumë të rinj.
Militao është vetëm 27 vjeç, ndaj rikthimi i këtij produkti të “La Fábricas” mund të ofrojë një zgjidhje afatgjatë në një pozicion ku “Los Blancos” kanë pasur vështirësi./GazetaExpress/
