Real Madrid po synon një yll të Premier League për të zëvendësuar Toni Kroos-in dhe mund të realizojë një shkëmbim befasues për ta bërë të mundur këtë transferim.

“Los Blancos” janë përforcuar këtë verë me afrimet e Trent Alexander-Arnold, Dean Huijsen, Franco Mastantuono dhe Alvaro Carreras, ndërsa trajneri Xabi Alonso pritet gjithashtu të zvogëlojë numrin e lojtarëve në skuadër. Një nga emrat më të përfolur për largim është Rodrygo.

Sulmuesi brazilian ka zgjuar interesimin e shumë klubeve, por një prej tyre ka dalë tashmë nga gara. Manchester City besohet se po e ndjek situatën e tij me kujdes, duke planifikuar një lëvizje për sezonin 2025/26, sidomos pasi e kanë shpenzuar mjaftueshëm këtë verë.

Me të ardhmen e Jack Grealish që duket larg Etihad-it, Pep Guardiola është në kërkim të një zëvendësuesi, dhe Rodrygo është në listën e dëshirave të tij. Një marrëveshje shkëmbimi mund të bëjë që ky transferim të realizohet.

Sipas AS, Real Madrid po e “monitoron nga afër” Rodri-n, mesfushorin e Man City-t, i cili shihet si pasuesi ideal i Kroos-it, i cili u tërhoq nga futbolli vitin e kaluar. Sipas raportit, gjigantët e La Ligës kanë kapacitet financiar për të realizuar edhe një tjetër transferim të madh këtë verë – sidomos nëse Rodrygo largohet, gjë që mund të sjellë në arkën e klubit nga 69 deri në 87 milionë funte.

Rodri ka kontratë me Manchester City deri në vitin 2027 dhe ende nuk e ka rinovuar atë. AS përmend moshën e tij (29 vjeç), duke e krahasuar me Zinedine Zidane, i cili iu bashkua Realit në të njëjtën moshë.

Mesfushori spanjoll ka qenë një figurë thelbësore në skemën e Guardiolës, duke zhvilluar 265 paraqitje në të gjitha kompeticionet. Ai u rikthye në fushë në maj pas një dëmtimi serioz në gju që e mbajti jashtë për tetë muaj. Rodri ka ndihmuar Man City-n të fitojë katër tituj të Premier League-s dhe fitoi Topin e Artë 2024, duke lënë pas Vinicius Jr dhe Jude Bellingham.

Rodri nuk është i vetmi në radarin e Real Madridit. Sipas AS, në listë janë edhe emra si Nicolo Barella, Enzo Fernandez dhe Alexis Mac Allister. Megjithatë, këta lojtarë kanë kontrata afatgjata dhe janë pjesë kyçe të skuadrave të tyre. Fernandez i Chelseat dhe Mac Allister i Liverpool-it do të kushtonin mbi 100 milionë euro secili, ndaj transferimi i tyre është i vështirë./GazetaExpress/