Largimet e Luka Modrić dhe Lucas Vázquez, të cilëve u përfunduan kontratat fundjavën e kaluar, kanë lënë dy vende bosh në grupin e kapitenëve te Real Madrid, dhe tashmë këto janë zëvendësuar zyrtarisht.

Modrić ishte kapiteni kryesor i klubit, ndaj largimi i tij kërkonte një pasues – dhe pa ndonjë surprizë, ai është zëvendësuar nga Dani Carvajal, i cili ishte zëvendëskapiten gjatë sezonit 2024-25. Ishte një sezon i vështirë për Carvajal-in, i cili pësoi një dëmtim të rëndë (ACL) në tetor.

Për Carvajal-in, kjo është një moment krenarie, ndërsa Federico Valverde do të jetë zëvendëskapiteni i tij. Mesfushori uruguaian ishte tashmë pjesë e grupit të kapitenëve dhe tani bën hapin e radhës.

Sipas Diario AS, grupi i kapitenëve për sezonin 2025-26 do të përbëhet nga:

Dani Carvajal (kapiten)

Federico Valverde (zëvendëskapiten)

Thibaut Courtois

Vinicius Junior

Courtois, që iu bashkua Real Madridit nga Chelsea në vitin 2018, do të mbajë shiritin si kapiteni i tretë, ndërsa Vinicius – i cili erdhi nga Flamengo në të njëjtin vit – do të jetë kapiteni i katërt.

Vendimi është marrë nga drejtuesit e klubit në bashkëpunim me trajnerin Xabi Alonso, i cili do të mbështetet te këta katër lojtarë për të udhëhequr skuadrën në sezonin e tij të parë të plotë si trajner i Real Madridit.

Emërimi i Viniciusit si kapiten është veçanërisht interesant, duke marrë parasysh që ai po përballet me një të ardhme të pasigurt në “Santiago Bernabeu”. Bisedimet për kontratën e re kanë ngecur, ndërsa Arabia Saudite raportohet se po përgatit një ofertë rekord botëror për ta larguar.

Megjithatë, largimi i tij mbetet pak i besueshëm në këtë fazë, dhe Vinicius pritet të mbajë rolin e tij si pjesë e katërshes së kapitenëve për sezonin e ri, i cili nis muajin tjetër./GazetaExpress/