“Los Blancos” po e kërkojnë zëvendësuesin e Luka Jovicit, i cili nuk ka bindur sa duhet në “Santiago Bernabeu”
Real Madridi e ka përzgjedhur sulmuesin e Wolverhamptonit, Raul Jimenez si objektivin kryesor për verën që vjen.
Për këtë është e sigurt e përditshmja spanjolle “AS”, e afërt me klubin spanjoll, përcjell "Gazeta Express.
“Los Blancos” shpenzuan para të majme për sulmuesin Luka Jovic vitin e kaluar, por ky transferim nuk shkoi siç parashihej pasi futbollisti i ka realizuar vetëm dy gola në 24 paraqitje.
Kjo ka bërë që gjiganti madrilen tash t’ia vë syrin përfaqësuesit meksikan.
Jimenez i ka realizuar 39 gola në 88 ndeshje me Wanderers.
Reali po e kërkon një konkurrent të Karim Benzemas në sulm. /Gazeta Express/
