Trajneri i Real Madridit, Xabi Alonso, po përballet me presion në rritje në “Santiago Bernabeu”, pas një rezultati tjetër të dobët ndaj Gironës, duke e lënë ekipin me vetëm një fitore në pesë ndeshjet e fundit.
Trajneri bask është vënë nën pyetje si për qasjen e tij taktike, ashtu edhe për marrëdhënien me dhomën e zhveshjes.
Ky i fundit ishte problemi kryesor i cituar për mungesën e kohezionit, duke u fokusuar te lidhja e dobët midis Alonsos dhe yjeve të tij, por pas fitores ndaj Olympiacos javën e kaluar, disa lojtarë dukeshin të përkushtuar për të bërë që gjithçka të funksiononte.
Megjithatë, një barazim zhgënjyes në “Montilivi” ka rikthyer dyshimet.
Sipas “Indykaila”, Real Madrid do të diskutojë të ardhmen e Alonsos këtë javë.
Klubi ka caktuar një mbledhje emergjente të enjten për të folur mbi problemet e skuadrës, veçanërisht pas udhëtimit në “San Mames” tek Athletic Club.
Një nga arsyet kryesore për mbledhjen është se 4-5 lojtarë të rangut të lartë kanë shprehur pakënaqësi mbi strategjinë taktike të Alonsos, duke ndjerë se ajo nuk po nxjerr më të mirën nga lojtarët.
Informacioni shton se disa nga lojtarët që kanë shprehur frustrimet e tyre janë të etur që Zinedine Zidane të marrë drejtimin për herë të tretë te Real Madridi.
Zidane pritet të marrë drejtimin e Francës pas Botërorit 2026, pasi ka shprehur dëshirën për t’u rikthyer në menaxhim.
Ndërkohë që Zidane dha dorëheqjen nga Real Madridi më 2021, ai më parë ka ardhur për të shpëtuar ekipin gjatë sezonit.
Megjithatë, “Diario AS” raporton se Real Madrid ruan besimin te ish-trajneri i Bayer Leverkusenit.
Megjithatë, rezultati ndaj Gironës ishte një surprizë, me drejtorët e klubit dhe presidentin Florentino Perez që besonin se përmirësimi i marrëdhënieve javën e kaluar do të ndihmonte ndjeshëm në zgjidhjen e problemeve.
Nga lart, ekziston dëshira për të qëndruar të qetë, por edhe nevoja për “një reagim të menjëhershëm.”
Pa dyshim, Alonso nuk mund të përballojë më shumë rezultate negative në të ardhmen e afërt.
Ekipi i tij nuk ka impresionuar në asnjë moment të këtij sezoni, dhe pa pikët që t’i japin kohë për të përmirësuar lojën, zhurma vetëm do të rritet. Megjithatë, duket se diçka në qasjen e Alonsos ka ndryshuar gjatë javës së fundit./GazetaExpress/
