Real Madridi ka hasur vështirësi në dy muajt e fundit të sezonit, çka ka sjellë një lëvizje prej nëntë pikësh në tabelën e La Ligës në favor të Barcelonës, e cila tashmë kryeson me katër pikë më shumë, pasi ishte mbrapa pesë pikë.  

Shumë nga diskutimet për ndryshime të mundshme janë përqendruar te trajneri Xabi Alonso, por gjithnjë e më shumë po përhapet narrativa se trajneri bask nuk ka burime të mjaftueshme në skuadër.

Gjatë javës së kaluar është raportuar se Alonso e ka përsëritur dëshirën e tij të verës për të afruar një mesfushor. Kjo kërkesë nuk do të merret parasysh nga klubi, pasi drejtuesit mendojnë se ai ka burime të mjaftueshme për të qenë i suksesshëm.

Siç shpjegon “Cadena Cope”, Real Madridi do t’i qëndrojë parimit të tij se në afatin kalimtar të janarit nuk ka marrëveshje të mira për t’u bërë dhe, si rrjedhojë, nuk do të jetë aktiv në treg.

Alonsos i është bërë e qartë se, nëse mendon se i duhet një profil tjetër në mesfushë, duhet t’u drejtohet opsioneve nga Castilla, Jorge Cestero (19-vjeçar) dhe Thiago Pitarch (18-vjeçar).

“Los Blancos” i kanë përcaktuar tashmë planet për afatin kalimtar të janarit dhe do të bëjnë vetëm një lëvizje, e cila është njoftuar tashmë: Endrick Felipe.

Mbrojtësi brazilian është huazuar te Olympique Lyon dhe nuk do të ketë largime të tjera nga skuadra gjatë merkatos së dimrit.

Ka qenë një sezon i ndërlikuar për “Los Blancos”, i përkeqësuar edhe nga problemet me dëmtimet.

Trent Alexander-Arnold dhe Dani Carvajal kanë munguar për periudha të gjata, duke e detyruar Alonson të improvizojë me Raul Asencion dhe Fede Valverden në krahun e djathtë të mbrojtjes.

Ndërkohë, Alvaro Carreras ka luajtur disa ndeshje në qendër të mbrojtjes. Përpjekjet e Alonsos për të rikonfiguruar mesfushën kanë hasur vështirësi kohët e fundit, me Rodrygo Goes që është rikthyer në formacion në javët e fundit./GazetaExpress/