Kapiteni i Real Madridit, Dani Carvajal, ka arritur pajtim me trajnerin Alvaro Arbeloa, por e ardhmja e tij në “Bernabeu” mbetet e pasigurt.
Sulmuesi 34-vjeçar është pa kontratë këtë verë, dhe nuk ka asnjë garanci se do t’i ofrohet rinovim.
Politika e klubit parashikon që veteranëve t’u ofrohet vetëm një kontratë njëvjeçare, dhe qëndrimi i klubit është se do të arrijnë një “vendim të përbashkët” me Carvajal për të ardhmen e tij.
Megjithatë, deri tani nuk ka pasur kontakte për një marrëveshje të re, dhe duket se vendimi do të shtyhet deri në fund të sezonit. Carvajal dëshiron të qëndrojë te Real Madrid, por ka frikë se Los Blancos mund të mos e rinovojnë.
Titujt e javës së kaluar ishin të përqendruar tek Carvajal, pasi u kap duke shprehur frustrimin për mungesën e minutave nën drejtimin e Arbeloa.
Kjo u shkaktua nga fakti që mbrojtësi i djathtë i Castilla, David Jimenez, startoi para tij ndaj Valencisë.
Këtë fundjavë kjo nuk do të ndodhë, por Marca raporton se Real Madrid po planifikon që Jimenez të zëvendësojë Carvajal sezonin e ardhshëm.
Ideja është që Trent Alexander-Arnold të bëhet zgjedhja e parë në mbrojtjen e djathtë, dhe Jimenez të promovohet te ekipi i parë.
Aktualisht me kontratë deri në 2027, Real Madrid pritet të nisin bisedimet me Jimenez në muajt e ardhshëm për ta lidhur me një kontratë të re. I njëjti raport tregon se disa brenda klubit mendojnë se largimi i Carvajal është i pashmangshëm.
Pavarësisht preferencave të tij, Carvajal po bën plane për të ardhmen. Vitin e kaluar ai la hapur mundësinë e një transferimi në Lindjen e Mesme ose Major League Soccer, dhe më herët këtë sezon, gjatë rikuperimit nga dëmtimi, vizitoi kunatin Joselu Mato në Katar.
Mendohet se Carvajal është i hapur ndaj idesë për t’iu bashkuar atij te Al-Gharafa nëse nuk vazhdon në “Bernabeu”./GazetaExpress/
