Gjatë ditës së premte u festua kudo në botë ku ka shqiptarë Dita e Pavarësisë së Shqipërisë.
Ndër vendet ku u festua më së shumti, është padyshim qyteti i Vlorës, aty edhe ku u shpallë Pavarësia e Shqipërisë.
Në nder të kësaj dite të madhe, në Vlorë u organizuan shumë aktivitete kulturore, pjesë e së cilës ishte edhe rekordmeni botëror, Agim Agushi.
Agushi mori pjesë në këto aktivitet me atë që ai di ta bëj më së miri, zhonglimin me top.
Ai theu dy rekorde, atë të Guinessit dhe një botëror.
Agushi theu rekordin për zhveshjen e më së shumti fanellave gjatë zhonglimit me top. Agim Agushi zhveshi 28 fanella – të veshura një mbi një – duke thyer rekordin e mëparshëm, që ishte 26. Rekordin e theu për 4 minuta e 26 sekonda. Këtë e bëri në hyrjen e Muzeut “Pavarësia”, aty Ismail Qemaili e nisi punën me qeverinë e sapo krijuar më 1912.
Po në këtë ditë para stadionit të Flamurtarit të Vlorës arriti të sfidoj rekordin botëror, duke zhveshur 7 fanela për 45 sekonda.
Agim Agushi që ka lindur në Smirë të Vitisë në 17 janar 1970, është profesor i lëndës së matematikës në Gjimnazin “Kuvendi i Lezhës” në Viti.
Prej vitit 2000 ka nisur të merret me sfidimin e rekordeve botërore të kategorisë Guinness.
Po mbush plot çerek shekulli që ushtron këtë aktivitet ku deri tani ka arritur të realizojë 16 rekorde Guinness dhe 20 rekorde botërore./GazetaExpress/
