Pas nominimit që kaluan spektaklin e mbrëmjes së kaluar në Big Brother VIP Albania, duket se Egla Ceno dhe Rike Roçi janë rikthyer në mikesha.
Mëngjesin e sotëm (e mërkurë), dy banoret kanë biseduar së bashku për detaje nga jeta e tyre private, teksa ndodheshin jashtë në oborr.
Ylli shqiptar i ka rrëfyer aktores merakun që ka nëna e saj në lidhje me të. Roçi ka treguar më shumë detaje rreth lidhjes disavjeçare dhe mënyrës se si e ka pritur e ëma ndarjen.
Pjesë nga biseda:
Rike: Mami është shumë tradicionale. Mami ka pasur atë burrë në jetë dhe e ka pasur gjithë jetën. Motra po ashtu, domethënë të dashurin e parë, me atë u martua dhe bëri fëmijë. Unë jam ajo delja e zezë dhe ato gjithmonë më shohin dhe thonë ‘po ti e ke në gjak moj’. Mami është thjesht jeta.
Egla: Pse çfarë ke bërë?
Rike: Unë s’kam bërë gjë, po unë thjesht kam qëndruar vite e vite me të njëjtin person edhe mamin e zhgënjeva.
Egla: Ndodh që ndahesh. Thuaj që investon shumë kohë dhe pastaj në një moshë më të rritur kupton që vendos pastaj për veten.
Duket se marrëdhënia mes tyre është përmirësuar pas eliminimit dhe zënkave që patën gjatë javës.
