Një ndeshje që pritej të ishte një përballje e rregullt brenda kornizës sportive, është shndërruar në një përplasje të tensionuar mes KF Vëllaznimi dhe KF Rilindja 1974.

Pas përfundimit të takimit, klubi mysafir ka reaguar me një komunikatë zyrtare të ashpër, duke denoncuar një sërë shkeljesh që, sipas tyre, kanë cënuar ndjeshëm integritetin e ndeshjes dhe sigurinë e pjesëmarrësve.

Në deklaratën e bërë publike nga KF Rilindja 1974, theksohet se referimi ka qenë skandaloz, me vendime të njëanshme që, sipas tyre, ndikuan direkt në rrjedhën dhe rezultatin e ndeshjes.

Klubi shpreh zhgënjim të madh edhe për mënyrën si është pritur ekipi i tyre në Gjakovë, duke thënë se nuk është respektuar as minimumi i standardeve të mikpritjes në garat zyrtare.