Ylli i Manchester City, Rodri, është i kënaqur që kapiteni i Italisë, Gianluigi Donnarumma, iu bashkua kampionëve të Premier League, duke vlerësuar ndikimin e tij të menjëhershëm te skuadra.
Donnarumma përfundoi një transferim prej €27 milion në ditën e fundit të merkatos dhe debutoi me një performancë të jashtëzakonshme te City, duke mbajtur portën e pastër në ndeshjet ndaj Manchester United dhe Napoli.
“Është një nga portierët më të mirë, nëse jo më i miri në botë,” tha Rodri për Sport Sports UK.
Rodri: Donnarumma është “gjigant”
“Është i madh dhe mund të kap topin në ajër. Ai të bën të ndihesh i sigurt për gjithçka. Ka bërë një pritje të jashtëzakonshme dje [kundër Napolit]. Ndihem shumë i qetë që ai është aty”.
“Ne erdhëm pas një nga portierët më të mirë të kësaj epoke me Edy [Ederson]. Ishte gjë e madhe për ne, por shpresoj që Donnarumma të bëjë të njëjtën gjë sepse ka talentin për këtë.”
"He makes you confident about everything" 🙌
Rodri says he feels 'chilled' by having Gianluigi Donnarumma in the Man City net 🧤 pic.twitter.com/c1UNUItrtW
Rroga e Donnarumma-s te Man City
26-vjeçari ka nënshkruar një kontratë deri në vitin 2030, me një opsion për një sezon shtesë. Sipas Football Italia, ai do të përfitojë €15 milion në vitin e parë të kontratës me klubin.
Kapiteni i Italisë, i cili fitoi Euro 2020, ka bërë deri tani 76 paraqitje me Azzurri-t, duke debutuar në moshën 17-vjeçare në vitin 2016. /GazetaExpress/
