Roma është mbrojtja më pak e mposhtur në pesë ligat kryesore evropiane, por edhe Milan dhe Como renditen në pesëshen e parë, së bashku me Arsenalin dhe Real Madridin.

Skuadra e drejtuar nga Gian Piero Gasperini, Roma, ka rekordin më të mirë mbrojtës në Evropë, duke pësuar vetëm 16 gola në 25 ndeshje kampionati.

Siç thekson “La Gazzetta dello Sport”, Roma ka qenë veçanërisht solide në mbrojtje kur Evan Ndicka ka qenë në fushë.

Verdhekuqtë kanë pësuar 12 gola në 20 ndeshje të Serie A (0.60 për ndeshje) me reprezentuesin nga Bregu i Fildishtë në formacion, ndërsa gjatë kohës së tij në Kupën e Kombeve të Afrikës (AFCON) pësuan katër gola në pesë takime (0.80 për ndeshje).

Skuadrat e Serie A, Milani dhe Como, janë gjithashtu në mesin e pesë mbrojtjeve më të mira në Evropë, pasi kanë pësuar nga 19 gola në 25 ndeshje secila - po aq sa Real Madrid në 24 ndeshje të La Ligës.

Gjigantët e Premierligës, Arsenal, kanë mbrojtjen më të mirë në Angli, duke pësuar vetëm 20 gola në 27 javë.

Roma renditet e katërta në tabelën e Serie A me 47 pikë, vetëm një më shumë se Juventus në vendin e pestë dhe tre më pak se Napoli në vendin e tretë.

Ndeshja e radhës për Romën është në shtëpi kundër Cremonese këtë të diel./GazetaExpress/