Cristiano Ronaldo ka konfirmuar rikthimin e tij te Al Nassr pas disa raportimeve që sugjeronin se mund të largohej nga Arabia Saudite. Ylli portugez publikoi një fotografi në rrjetet sociale, ku shfaqej me dy zemra në ngjyrat e klubit, duke hedhur poshtë thashethemet për një largim të mundshëm.
Spekulimet u përhapën pas pakënaqësisë së Ronaldo ndaj lëvizjeve të rivalit Al Hilal, i cili transferoi Karim Benzeman nga Al Ittihad, një goditje që sipas portugezit prish balancat e kampionatit.
Ronaldo mbetet një nga golashënuesit kryesorë të Ligës Profesionale Saudite, me 17 gola në 18 ndeshje, dhe qëllimi i tij kryesor mbetet të arrijë shifrën historike prej 1000 golash në karrierë.
Yjet dhe zyrtarët e Ligës Profesionale Saudite presin që Ronaldo të rikthehet në aksion këtë javë, pas mungesës në fitoren 1-0 të Al Nassr ndaj Al Riyadh. Ai pritet të luajë të premten kundër Al Ittihad, pasi ka shprehur qëndrimin e tij dhe ka zgjidhur situatën e krijuar.
Portugezi, i cili mbush 41 vjeç të enjten, ishte objekt i spekulimeve se mund të kthehej në Portugali përpara ditëlindjes, por tani duket i fokusuar te detyrat me klubin. /GazetaExpress
